往事如思

早上，四嫂突然向我說：
「今晚你跟我返屋企啦。」
「吓..........」
「吓甚麼，不是叫你回去吃飯，是媽咪Daddy昨日去了深圳購物，她說買了件衫給你，今晚你跟我回去取吧！」
「吓........又買衫給我？.........」
「甚麼了？你好像很不高興的！」
「不是........只是妳爸媽今年已買了八件衫給我了.....而且......而且.......」
「而且乜呀？你係咪唔俾面呀？」四嫂開始面黑黑的說
「唔係.....唔係.......咁......咁好啦」

已經八件了，不是大紅大綠的顏色就是阿伯才會穿的夢特嬌款式，上次穿起那件深紫色T恤已經給朋友笑得顏面無存了！
今次一定要找個機會說清楚它！

晚上，在四嫂家中，四嫂媽咪拿出那件衫出來。
「阿四，這件衫買給你的，我揀了很久哦。」
哇，粉紅色T恤，加上胸前那個印花圖案，真是娘得要命！
「哈哈......是粉紅色的...........哈哈......」我有點不知所惜，唯有勉強乾笑著說
「鍾唔鍾意呀？」四嫂媽咪問
「哈哈........哈哈.........我........我想在外加件恤衫會比較好點.......」
「做咩要加件恤衫呀？好肉酸咩？」四嫂媽咪有點不滿說
「唔係.......唔係.......不過.........不過......粉紅色T恤......我唔係太敢著吧.........」
「有咩唔敢著呀，好肉酸咩？等我重揀鬼咁耐，你唔要就俾Daddy著啦。」四嫂媽咪語氣開始咄咄逼人起來！
「哈哈.......唔係......唔係.......哈哈.........」

「你睇，激嬲媽咪啦，你係咪衰丫你！」四嫂拉開我一角低聲向我說
「咁........咁........係肉酸嘛，粉紅色咁娘，點著呢........」我也低聲說
「佢兩個老人家一心買給你的，你就算不喜歡也要呀！」
「但.....但買了我又不喜歡，這太浪費嘛.........」
「咁你要唔要丫？要定唔要丫？快啲著住佢啦！」
「咁........咁..........咁..........」

結果，整晚我穿著這件粉紅色T恤，直至回到家中...........